ცენტრალური საარჩევნო კომისიას უკვე დათვლილი აქვს თბილისში საარჩევნო უბნების 76,68%, რომლის მიხედვითაც დედაქალაქის მერის ასარჩევად მეორე ტურის ჩატარებაა საჭირო.
ამ მონაცემების მიხედვით, ”ქართული ოცნების” კანდიდატს დავით ნარმანიას 46,27% აქვს, ”ნაციონალური მოძრაობის” კანდიდატს ნიკა მელიას 27,69%, დიმიტრი ლორთქიფანიძეს 12,86%, ირმა ინაშვილს 5,32%, ასმათ ტყაბლაძე 2,44%, კახა კუკავა 2,38%, გიორგი გაჩეჩილაძე 1,17%.
თბილისში სულ მერობის 14 კანდიდატი იყო.
ამასთან ცენტრალური საარჩევნო კომისიის თავმჯდომარის თამარ ჟვანიას ინფორმაციით, 11 თვითმმართველი ქალაქიდან მერის არჩევისთვის მეორე ტური 8 ქალაქში იქნება საჭირო. ეს ქალაქებია: თბილისი, რუსთავი, მცხეთა, გორი, თელავი, ოზურგეთი, ბათუმი, ფოთი.
_5769.jpg)
