ზუგდიდის მუნიციპალიტეტის თემის გამგებლმა ედიშერ თოლორაიამ თანაშემწის მოვალეობის შემსრულებლად 20 წლის თამარ ლაშხია დანიშნა. თოლორაია ინფორმაციას ადასტურებს, მაგრამ უარყოფს სოციალურ ქსელში გავრცელებულ ცნობებს, რომ ლაშხია გამგებლის მრჩევლად დაინიშნა. გამგებელმა „ლაივპრესთან" საუბარში უარყო ინტერნეტში გავრცელებული ინფორმაცია, რომ თამარ ლაშხია კრუპიედ მუშაობდა. ედიშერ თოლორაიამ ვერ დაასახელა, თუ რა გამოცდილებისთვის დაინიშნა 20 წლის თამარ ლაშხია თანამდებობაზე. თოლორაიას განმარტებით, იგი მხოლოდ მოვალეობის შემსრულებელია და თანამდებობაზე დარჩენის სურვილის შემთხვევაში ტესტირების გავლა მოუწევს.
