პოლიტპატიმრის სტატუსით განთავისუფლებულებმა, მოძრაობა „ანტი ნაცი“ დააფუძნეს. მათი განცხადებით, ხელისუფლების ხელში აღებიდან 18 თვის მანძილზე არა მხოლოდ შესაძლებელი იყო, არამედ გარდაუვალ აუცილებლობას წარმოადგენდა პოლიტპატიმართა და რეპრესირებულთა რეაბილიტაციის სამართლებრივი საფუძვლების შექმნა, რაც სამწუხაროდ არ მოხდა. ყოფილმა პოლიტპატიმრებმა შესაბამისი განცხადებით უკვე მიმართეს კონკრეტული მოთხოვნით პრეზიდენტს, პრემიერ-მინისტრს და პარლამენტის თავმჯდომარეს და რეაგირებისთვის 10 დღიანი ვადა მისცეს.
მათი მოთხოვნაა: პარლამენტის მიერ პოლიტპატიმრად და პოლიტდევნილად პირთა აღიარების შესახებ დადგენილება ჩაითვალოს ახალ გარემოებად და ამის საფუძველზე დაიწყოს მათი რეაბილიტაციის პროცესი; პოლიტპატიმართა და პოლიტდევნილთა სისხლის სამართლის საქმეებზე დაყადაღებულ ქონებაზე დაუყონებლივ შეჩერდეს სააღსრულებლო წარმოება; დაუყოვნებლივ მოხდეს იმ გამომძიებლების, პროკურორების და მოსამართლეების იდენტიფიცირება, ვინც პოლიტპატიმართა და პოლიტდევნილთა საქმეების შექმნას და განხილვაში მონაწილეობდნენ, სახელმწიფომ მათ დაუყონებლივ შეუჩეროს უფლებამოსილება; განახლდეს, პარალამენტის ადამიანის უფლებათა კომიტეტთან არსებულმა პოლიტპატიმართა და პოლიტდევნილთა სტატუსის დამდგენმა კომისიამ მუშაობა; ევროპის საბჭოს საპარალამენტო ასამბლეის ქართულ დელეგაცის საპარალამენტო ჯგუფს დაევალოს რეზოლუციის პროექტის მომზადება, საქართველოში პოლიტპატიმრების და პოლიტდევნილების აღიარების შესახებ.
როგორც პოლიტპატიმრის სტატუსით განთავისუფლებულმა ბიზნესმენმა, ზაალ ჟვანიამ აღნიშნა, ყოველგვარ ზღვარს გადასცდა მოთმინების ფიალა. დროა, ხელისუფლებამ შეასრულოს წინასაარჩევნო დაპირება და სამართლიანობის დაწყების პროცესი რეალურად დაიწყოს.
„თუ არ გაგვცეს დამაკმაყოფილებელი პასუხები, გადავალთ მოქმედებაზე. რაც იყო 9 წლის განმავლობაში ძალიან კარგად იცით. დღესაც იგივე სიტუაცია არის. ძალიან კოჰაბიტირებული არიან, იგივე ცხოვრების სტილი აქვს „ქართულ ოცნებას“. პრინციპში არც არაფერი შეცვლილა“, - აცხადებს for.ge-სთან საუბრისას ზაალ ჟვანია.
ჯაშუშობის ბრალდებით გასამართლებული, პოლიტპატიმარი ვახტანგ მაისაია მოუწოდებს ხელისუფლებას, რომ დაიწყონ რეაბილიტაციის პროცესი.
For.ge. ვახტანგ მაისაიას ესაუბრა.
ბატონო ვახტანგ, რა მიზნით შეიქმნა ორგანიზაცია „ანტი ნაცი“, რას ითხოვთხელისუფლებისგან, რომელმაც გაღიარათ პოლიტპატიმრებად?
ვახტანგ მაისაია: პოლიტპატიმრის აღიარება არაფერს არ ნიშნავს, ეს არის ფარატინა ქაღალდი. არავინ არ ღებულობს ამას როგორც სერიოზულ დოკუმენტს. რეალურად, ამის უკან რეალური უფლებების აღდგენის ძალა არ დგას. სამწუხაროდ, ეს ერთგვარი ბუტაფორიული მომენტია. თუ ვიღაცას სურს, რომ ამით პოლიტიკური ქულები ჩაიწეროს, ეს სხვა საქმეა.
უნდა დაწყებულიყო რეაბილიტაციის პროცესი. პოლიტპატიმრის სტატუსის მიცემა ნებისმიერ ქვეყანაში ხდებოდა რეაბილიტაციის გზით. არავინ არ ლაპარაკობს ფინანსური რეაბილიტაციის საკითხებზე. ადამიანებს შეეძლოთ მოეთმინათ ეს საკითხი, ან გადაევადებინათ. მთავარი იყო მომხდარიყო ადამიანის ღირსების აღდგენა.
თქვენ ითხოვთ, რომ პოლიტპატიმრებად აღიარება ჩაითვალოს ახალ გარემოებად და ამისსაფუძველზე დაიწყოს რეაბილიტაციის პროცესი. მაგრამ, რატომ არ დაიწყო ეს პროცესიაქამდე?
- ეს ალბათ უნდა ჰკითხოთ იმათ, ვინც ეს გადაწყვეტილება მიიღო. ჯერ დაიწყო ე.წ. კოჰაბიტაციის პროცესი იმ ადამიანებთან, რომლებიც იყვნენ პირველი ჯალათები და დამნაშავეები. დამნაშავეებთან როდესაც ხდება შესვლა კოჰაბიტაციის პირობებში, ბუნებრივია, მივიღებთ იმ შედეგს, რაც დღეს დაფიქსირდა. ეს ფაქტია. არაა პოლიტიკური ნება. ფაქტიურად ის დაკვეთა, რაც საზოგადოებამ დაუკვეთა მმართველ კოალიციას, მხოლოდ დაკვეთად დარჩა, ეს რეალობაა.
როგორ ფიქრობთ, რატომ არ არსებობს პოლიტიკური ნება, რომ სისხლის სამართლებლივიდევნა დაიწყოს იმ პროკურორების, გამომძიებლების და მოსამართლეების წინააღმედგ,რომელთა გადაწყვეტილების გამო 190 პირი გახდა პოლიტაპიმრის სტატუსისმატარებელი?
- როდესაც ხელისუფლებაში მოვიდნენ და კომფორტი იგრძნეს, ეტყობა დისკომფორტის შექმნა ამ ადამიანებს უკვე პრობლემებს უქმნის. ეს წმინდა ფსიქოლოგიური მომენტია, ეს ძალაინ სუსტი ადამიანების ხვედრია. დღეს ხელისუფლებაში არიან სუსტი ადამიანები და ამით უკვე ჩანს რეალობა. მათ არ სურთ შექმნილი კომფორტისადმი ზედმეტი პრობლემის შექმნა. წმნიდა მერკანტილისტურ დონეზე დავდივართ.
ის, რომ დასავლეთი აწვება, თითქოს, მათი თხოვნაა ეს ე.წ. კოაბიტაცია, ეს არაა სიმართლე. მე მქონდა ურთიერთობა დასავლეთში საკმად გავლენიან ორგანიზაციებთან და პირიქით, მათ უკვირთ რატომ არ აყენებენ საკითხს იმ ადამიანთა დასასჯელად, რომლებმაც ჩაიდინეს სახელმწიფო დანაშაული. დასავლეთისა და საერთაშორისო საზოგადოების დამოკიდებულება არის ძალიან ცალსახა.
თქვენ უკვე მიმართეთ ხელისუფლების პირველ პირებს და მიეცით ათდღიანი ვადა. თუათი დღის განმავლობაში არ შეიქმნება კომისია და არ დაიწყება საქმეების გადახედვა,რა იქნება თქვენი შემდეგი ნაბიჯი?
- ჩვენ ვმოქმედებთ კანონიდან გამომდინარე და არ ვარღვევთ კანონს. ათი დღის ვადაში უნდა მოგვცენ გონივრული პასუხი. შესაბამისად, თუ არ მოხდა რეაგირება შევიკრიბებით საინიციატივო ჯგუფი, რომელშიც დაახლოებით 60 კაცია გაწევრიანებული და მივიღებთ გადაწყვეტილებას როგორ ვიმოქმედოთ.
პირადად თქვენს საქმესთან დაკავშირებით რა ხდება? თუ მიიღეთ პასუხიგამოძიებისგან რატომ არ აღმოჩნდა მზად პროკურატურა, რომ თქვენს საქმეს გრიფი„საიდუმლო“ მოხსნას?
- სახალხო დამცველი გაეცნო ჩემს საქმეს, რომელსაც ადევს გრიფი „საიდუმლო“. თქვენ, როგორც ჟურნალისტს თუ მოგეცეთ საშუალება გაეცნოთ რა წერია ამ საქმეში, ეს მასალა სულ მცირე ერთი წლის განმავლობაში საკმარისი იქნება, რომ დაწეროთ მასალა. ჩემს საქმეს მარტო გრიფის მოხსნა სჭიდება. მაგრამ ზედმეტი თავის ტკივილი არ უნდათ ამ ადამიანებს. ის ადამიანები ჰყავთ ისევ მაღალ თანამდებობაზე პროკურატურაში, რომლებიც ამ საქმეებს აყალბებდნენ და სჩადიოდნენ დანაშაულს. ეს არის რეალობა, იგივე ადამიანების ხელშია ჩვენი საქმე.
მაშინ, რა გამოსავალი გრჩებათ?
- მოდის არჩევნები და ეს არჩევნები წარმოაჩენს რეალურ სახეს. არ მინდა, რომ დღეს მმართველმა კოალიციამ დაკარგოს მხარდაჭერა და ამით გზა გაუხსნას „ნაციონალური მოძრაობის“ დაბრუნებას, რადგან ეს იქნება სამოქალაქო ომზე უარესი. „ნაციონალური მოძრაობის“ დაბრუნება ნიშნავს სუპერუკრაინიზაციას. ამის გარანტიას გაძლევთ. არ მინდა, რომ კოალიციამ არასწორი ნაბჯი გადადგას და პოზიციები დაკარგოს.
თქვენს სამოქმედო გეგმაში ქუჩის აქციები განიხილება?
- პირადად მე ვეწინააღმდეგები ქუჩის აქციებს, ვინაიდან საქართველოს ფარგლებს გარეთ სიტუაცია მართლაც დაძაბულია. არ გვინდა, რომ დაძაბულობის დამატებითი კერა შევქმნათ. ჩვენს მიმართვაში დაფიქსირებულია ძალიან მკაფიოდ, რომ ჩვენ არ გავცდებით სამართლებლივი და კონსტიტუციური ბრძოლის ჩარჩოებს. ეს იქნება ხანგრძლივი, მაგრამ ინტენსიური პროცესი და იმედია, რომ სამართლიანობას მივაღწევთ.
გაცხადებულია, რომ ხარვეზების დამდგენი კომისია არ შეიქმნება. ეს იქნება პრობლემახელისუფლებისთვის?
- რა თქმა უნდა. იმიტომ, რომ სამართლიანობის აღდგენის საკითხი დღის წესრიგიდან არ მოხსნილა. სამართლიანობის აღდგენა არ განხორციელებულა, გარდა იმ ერთჯერადი აქციისა, რასაც ჰქვია ფართომასშტაბიანი ამნისტია. ხედავთ რა ხდება უკრაინაში, საკონსტიტუციო სასამართლოში შევარდნენ და დაამტვრიეს თავ-პირი მოსამართლეებს. დღეს უკრაინა ითვლება დემოკრატიის აკვნად.
თუ უნდათ, რომ უკრაინის მაგალითი მიიღონ, კი, ბატონო. მე პირადად იმის პოლიტიკური კულტურა მაქვს, რომ ასეთი რამ არ გავაკეთო. მაგრამ, ჩემნაირი ადამიანი ბევრი არაა. ადამიანები ისე არიან გამწარებულები, რომ მათ სხვა გამოსავალს არ უტოვებენ. გამოვლენ ქუჩაში და შეიძლება გაჩნდეს მაიდანი, გაცილებით რთული პროცესები განვითარდეს. ღმერთმა არ ქნას, რომ სამართლიანობის აღდგენა დაიწყოს კეტებით. ნუ მიიყვანენ ადამიანებს ასეთ მდგომარეობამდე.
_5769.jpg)
