ტერორისტები სლავიანსკიდან გაიქცნენ-ქალაქში უკრაინული არმია შევიდა (ფოტო)
უკრაინული მედია ხელისუფლებაში საკუთარ წყაროზე დაყრდნობით ავრცელებს ინფორმაციას, რომლის მიხედვითაც პრორუსმა ტერორისტებმა და სეპარატისტებმა სლავიანსკი დატოვეს. ქალაქში უკრაინის ეროვნული არმია შევიდა და ამ დროისთვის ისინი ადგილობრივ მილიციასთან ერთად წესრიგს ამყარებენ. ამასთან, უკვე ოფიციალურად დადასტურებულია , რომ ეროვნულმა გვარდიამ ტერორისტების ერთ-ერთ ბლოკ-საგუშაგოზე ოთხი ტერორისტი აიყვანა, რომლებმაც წინასწარი ინფორმაციით უკრაინის შეიარაღებული ძალების ვერტმფრენი ჩამოაგდეს. ამასთან, ვრცელდება ინფორმაცია, რომ უკრაინის მილიცია ქალაქ ლუგანსკშიც აკონტროლებს სიტუაციას და ტერორისტებმა ქალაქში ყველა სახელმწიფო უწყება დატოვეს. ადგილობრივი მედიის ცნობით დონეცკის მიმართულების ყველა ავიარეისი გადადებულია.
