გიორგი სიგუა: ალბათ კვირიკაშვილმა ჩათვალა, რომ „კაზანტიპი“ ალეგროვას და კირკოროვის კონცერტი იყო...
ტურიზმის ადმინისტრაციის ყოფილი შეფი გიორგი სიგუა, რომლის თანამდებობაც „კაზანტიპის“ ფესტივალის ანაკლიაში ჩატარების გადაწყვეტილებას შეეწირა აცხადებს, რომ მისი ვიზიტი მოსკოვში რა დროსაც ის „კაზანტიპის რესპუბლიკის“ პრეზიდენტს ნიკიტა მარშუნოკს შეხვდა შეთანხმებული იყო ეკონომიკის სამინისტროსთან. მისივე თქმით სამინისტრო ასევე საქმის კურსში იყო იმ დაპირებების შესახებ რასაც თავის მხრივ საქართველოს „კაზანტიპის“ ანაკლიაში ჩატარების შემთხვევაში თავზე აიღებდა. „ეს დაპირებები შეთანხმებული იყო ჩემს ხელმძღავენელობასთან, რომელმაც შემდგომ გადათქვა ისინი“,-განაცხადა გიორგი სიგუამ „ბიზნესკურიერში“.
რაც შეეხება დაპირებებს გიორგი სიგუას თქმით ერთ-ერთი მათგანი იყო მარკეტინგი ანუ სარეკლამო მხარდაჭერა, რომელიც არ განხორციელდა პირდაპირ კვირიკაშვილის დავალებით. „არ დაეხმაროთ კაზანტიპს-აი ასეთი განკარგულება გასცა პირდაპირ კვირიკაშვილმა“,-განაცხადა სიგუამ . გიორგი სიგუას თქმით საქართველოს მხარემ არ უზრუნველყო ინფრასტრუქტურული სამუშაოები, ასევე დაგვიანებით გადაეცა ფესტივალს მიწა. „ნიკიტა მარშუნოკი ჩაითვალა, რომ ის არის ეშმაკის გამოგზავნილი და მოციქული“,-განაცხადა სიგუამ "ბიზნესკურიერში"
მისივე თქმით სავარაუდოა, რომ ეკონომიკის მინისტრმა ვერ გააცნობიერა თუ რა დონის ფესტივალტან ჰქონდა საქმე.
„როცა მე მივდიოდი მოსკოვში ნიკიტა მარშუნოკის ჩამოსაყვანად და „კაზანტიპის“ გადმოსატანად საქართველოში, როგორც ჩანს კვირიკაშვილმა და ქუმსიშვილმა ჩათვალეს , რომ ჩვენ აქ უნდა მოგვეწყო ალეგროვას და კირკოროვის თუ ალინა აპინას კონცერტი და რაღაც ჩვეულებრივი ღონისძიება. როგორც ჩანს მათ არ ჰქონდათ გათავისებული თუ რაზე იყო საუბარი. მე კი მქონდა ნათქვამი , რომ ეს არის მსოფლიო დონის, იბიციდან ჩამოვიყვანე“,-განაცხადა გიორგი სიგუამ "ბიზნესკურიერში"
