ზუგდიდისა და ოზურგეთის მიმართულებით მოძრავ ღამის მატარებლებზე მგზავრობის ტარიფი გაიზარდა.
როგორც "აქცენტს" საქართველოს რკინიგზაში განუმარტეს, აღნიშნულის მიზეზი ძველი ვაგონების მოდერნიზებული პლაცკარტის, კუპირებული და რბილი - სვ ტიპის საკლასო ვაგონებით ჩანაცვლება გახდა.
აღნიშნულიდან გამომდინარე პლაცკარტის ტიპის ვაგონზე ტარიფი - 7.50 ლარის ოდენობით განისაზღვრა, კუპეზე - 18 ლარით, ხოლო რბილი (სვ) – 25 ლარი ღირს.
"2014 წლის 8 აპრილიდან ვადის გასვლის გამო, ღამის ზუგდიდის და ოზურგეთის სამგზავრო შემადგენლობებიდან ექსპლოატაციიდან იქნა ამოღებული არამოდერნიზირებული პლაცკარტის (მწვანე) ტიპის ვაგონები და ნაწილობრივ კუპეს (მწვანე) და რბილი - სვ (მწვანე) ტიპის ვაგონები, ხოლო მათ ნაცვლად ჩაენაცვლა მოდერნიზებული პლაცკარტის, კუპირებული და რბილი - სვ ტიპის საკლასო ვაგონები. აღნიშნული ვაგონები ბევრად უფრო კომფორტულია, როგორც ვიზუალურად, ასევე სანიტარულ - ჰიგიენური კუთხით, გაუმჯობესებული კონდიცირების და გათბობის სისტემებით. კუპირებულ და რბილი - სვ ტიპის ვაგონებში დამონტაჟებულია ტელევიზორები. აღნიშნულიდან გამომდინარე პლაცკარტის ტიპის ვაგონზე ტარიფი განისაზღვრა - 7.50 ლარის ოდენობით, კუპეზე - 18 ლარი, ხოლო რბილი (სვ) – 25 ლარი. ამასთანავე მსვლელობაში ისევ რჩება ღამის არამოდერნიზებული (მწვანე) კუპე ვაგონები, რომელის ღირებულებაც 11 ლარს შეადგენს", - განუცხადეს "აქცენტს" საქართველოს რკინიგზაში.
_5769.jpg)
