ბათუმში პარტია "რეფორმატორების" მაჟორიტარობის კანდიდატ ნუგზარ ჯინჭარაძეს დილით ავტომობილზე საბურავები მოხსნილი დახვდა. როგორც "ინტერპრესნიუსთან" საუბრისას ნუგზარ ჯინჭარაძემ აღნიშნა, დამკვირვებლების უბნებზე მიყვანას აპირებდა, თუმცა ავტომობილი საბურავების გარეშე იყო.
"დილით 06:00 საათზე მომაკითხა ბიძაშვილმა, ჩვენი დამკვირვებლები ავტომობილით უნდა მიგვეყვანა. სანამ გამოვიდოდი გარეთ, ბიძაშვილმა მითხრა, რომ ავტომობილს საბურავები არ ჰქონდა. მეგონა, რომ ხუმრობდა, გავედი და მართლაც საბურავების გარეშე იყო მანქანა", - აღნიშნა ნუგზარ ჯინჭარაძემ.
მისივე თქმით, ადგილზე საპატრულო პოლიცია უკვე მივიდა. ნუგზარ ჯინჭარაძე მომხდარს პოლიტიკურ ზეწოლად აფასებს.
_5769.jpg)
