თბილისში, ერთ-ერთი ბრენდული კომპანიის მიერ გამომცხვარ ხაბიზგინაში "არასაკვები დანამატი" იპოვეს.
ოსური ხაჭაპურის ინგრედიენტებში რეზინინის ხელთათმანის "მოწყვეტილი თითის" მოზრდილი ნაწილი აღმოაჩინეს.
გავრცელებული ინფორმაციით, აღნიშნულ კომპანიაში პროდუქტთან მცხობელის ხელის შეხების მინიმუმამდე დაყვანის მიზნით, პერსონალი ორი ხელთათმანით მუშაობს. ერთ-ერთი ხელთათმანის რეზინამ მაღალ ტემპერატურას ვერ გაუძლო და თითის ნაწილი მოწყდა, რაც მცხობელმა ვერ შეამჩნია. კომპანიაში მყიდველს ჩეკის მიტანის შემდეგ, თანხის დაბრუნებას დაპირდნენ.
ნატალია დადიანი, Ambebi.ge
წყარო/Source: http://www.ambebi.ge/sazogadoeba/101966-khabizginashi-khelthathmanis-qmotsyvetili-thithiq-aghmoachines-fotofaqtebi-thbilisuri-kvebis-obieqtidan.html#ixzz30YZzn9ig
