ერთნი ახალი სეზონისთვის ახალ უნიფორმებს წარადგენენ, მეორენი გაცილებით მეტს. ”ბარსელონა” კი იმათ რიგშია, რომელმაც 2014/15 წლების სეზონისთვის ახალ სათამაშო ფორმასთან ერთად უმთავრესი გუნდის ავტობუსი ახალი დიზაინით წარმოადგინა.
”ბარსელონას” ოფიციალური გვერდის ცნობით, კატალონიელებს ახალი ავტობუსი დღეს ნაშუადღევს ჰელსინკიში გაფრენამდე წარუდგინეს. ავტობუსი სიგრძეში 14 მეტრია, სიმაღლეში 3.97 მეტრი, სიმძლავრე კი 505 ცხენის ძალის ტოლფასია.
ავტობუსის გარე დიზაინის შთაგონების წყარო ”ბარსას” ჰიმნი el Cant del Barça გახდა, რომლის რამდენიმე სტრიქონიც დატანილია კიდეც მის გარე ნაწილზე.
