ჟურნალისტისთვის პროფესიულ საქმიანობაში უკანონოდ ხელის შეშლის ბრალდებით არავინ დასჯილა (ვიდეო)

ჟურნალისტისთვის პროფესიულ საქმიანობაში უკანონოდ ხელის შეშლის, ფიზიკური შეურაცხყოფისა, თუ მუქარის ბრალდებით ჯერ არავინ დასჯილა. ამას პროკურატურის მიერ მოწოდებული სტატისტიკაც ცხადყოფს. სისხლის სამართლის კოდექსის 154-ე მუხლს, რომელიც ზემოთჩამოთვლილ შემთხვევებში დამნაშავისთვის თავისუფლების აღკვეთას , ან უფლებამოსილების შეჩერებას ითვალისწინებს,მოსამართლეები  ალბათ ყველაზე იშვიათად იყენებენ, რადგან უმეტეს შემთხვევაში დაწყებული საქმეები შეწყვეტილია, ან გრიფით საიდუმლო ადევს და ამ დრომდე ძიებაშია.  ჟურნალისტების სისხლის სამართლის საქმეები სახალხო დამცველის ანგარიშშიც მოხვდა.

About "newsinfo"