სამების საკათედრო ტაძარში წირვა მიმდინარეობს, პარლამენტის წინ კი აქციის მონაწილეებმა ხელმოწერების შეგროვება დაიწყეს. ისინი ანტიდისკრიმინაციული კანონიდან სიტყვების- "სექსუალური ორიენტაცია" და "გენდერული იდენტობა"-ის ამოღებას მოითხოვენ.
რამდენიმე წუთის წინ აქციაზე თავისი მრევლით ბასილ მკალავიშვილიმივიდა, რომელიც ანტიდისკრიმინაციულ კანონს ანტისახელმწიფოებრივს უწოდებს. მისი თქმით, საქართველოში მამათმავლობის დაკანონებას არ დაუშვებენ.
-"ჩვენ მათ არ ვერჩით. მიწისქვეშეთში და საკუთარ სახლებში რაც უნდათ, ის აკეთონ, მაგრამ ამ წმინდა ადგილს, რუსთაველის გამზირს ნუ წაგვიბილწავენ. ჩვენ ასევე მოვითხოვთ "რუსთავი 2"-ის აკრძალვას, რადგან ის მამათმავლების პროპაგანდას ეწევა და ამ ადამიანებს მხარში უდგას. იმას, რასაც სააკაშვილის მთავრობა ამ ტელევიზიით აკეთებდა, დღევანდელი ხელისუფლებაც ასევე აგრძელებს", - განაცხადა მამა ბასილ მკალავიშვილმა.
აქციაზე რამდენიმე ასეული ადამიანია შეკრებილი. მათ თან აქვთ ტრანსპარანტები - "არ დავუშვებთ სოდომ-გომორის ცოდვებს", "მამათმავლებო, შორს საქართველოდან".
აქციაზე კიდევ ერთი ინციდენტი მოხდა-სამართალდამცავებმა სტუდენტური მოძრაობის - "არა გარყვნილების პროპაგანდას" ერთი აქტივისტი დააკავეს. ამ დროისთვის სამართალდამცავები კომენტარს არ აკეთებენ.
ამ წუთებში რუსთაველზე მიმდინარე აქციას თენგიზ კიტოვანიშეუერთდა.
-"პარლამენტი აუცილებად დაიშლება. როგორ შეიძლება ჩვენ შვილებს ასეთმა ადამიანებმა სკოლებში ან ბაღებში რაიმე ასწავლონ. აქ არიან ჩემი ბიჭები და მე ჩემ ხალხთან ერთად ვდგავარ", - ამბობს კიტოვანი.
_5769.jpg)
