ავტორი: ალა გრიგალაშვილი
„ადამიანის უფლებათა დაცვის კომიტეტის თავმჯდომარესთან შეხვედრის დროს, პოლიტპატიმრების გარკვეულმა ჯგუფმა ამოიცნეს შალვა თათუხაშვილი, რომელიც მონაწილოებდა ყინწვისის საქმეში დაკავებული ადამიანების წამებაში“, - ამის შესახებ ყოფილმა პოლიტპატიმარმა ვახტანგ მაისაიამ „რეპორტიორის“ პრესკლუბში გამართულ პრესკონფერენციაზე განაცხადა.
მისი თქმით, აღსანიშნავია ის ფაქტი, რომ ყინწვისის სპეცოპერაციაში მონაწილოებდა კუდ-ის სპეცრაზმი, ხოლო შალვა თათუხაშვილი მაშინდელი კუდ-ის თანამშრომელი იყო.
„ამ დაკავებაში მონაწილეობდა კუდ-ის სპეცრაზმი. არ მინდა უდანაშაულობის პრეზუმფცია დავარღვიო და გარდაცვლილ ადამიანზე ცუდი ვილაპარაკო. მე ამ ფაქტს არავითარ შეფასებას არ ვაძლევ, ვაფქსირებ მხოლოდ ფაქტს, რომელიც დაფიქსირდა კომიტეტის სხდომის ფორმატში“, - დასძინა ვახტანგ მაისაიამ.
