გულშინ გავრცელდა ინფორმაცია, რომ ზუგდიდის გამგებლის, ედიშერ თოლორაიას მრჩეველად 22 წლის ყოფილი კრუპიე, თაკო ლაშხია დაინიშნა. რა კრიტერიუმით მოხდა მისი ამ თანამდებობაზე დაწინაურება, ამის გარკვევა თავად ზუგდიდის გამგებელთან ვცადეთ:
- თაკოს გარშემო უაზროდ აგორდა აჟიოტაჟი. ის ჩემ მრჩევლად არ დანიშნულა, ის არის გამგებლის თანაშემწის მოვალეობის შემსრულებელი. 2 თვის განმავლობაში იქნება ამ თანამდებობაზე, მანამ ვიდრე გამოცდები ჩატარდება.
- რა კრიტერიუმით მოხდა მისი დანიშვნა თუნდაც 2 თვით?
- რა მნიშვნელობა აქვს?! განცხადება იყო შემოსული და დაკმაყოფილდა. ის არის ეკონომისტი, უმუშავია ბუღალტრად. თაკო არის ახალგაზრდა გოგო, რომელსაც აქვს ეკონომისტად მუშაობის გამოცდილება. აქ რაიმე ნათესაურ და მეგობრულ კავშირს არ ჰქონია ადგილი.
- ხომ არ აჯობებდა უფრო გამოცდილი კადრის დანიშვნა?
- 22 და 23 წლის ადამიანები მინისტრებად ინიშნებოდნენ და მაგაზე არ ქონდა არავის პრობლემა და ჩემი თანაშემწე გახდა პრობლემა?
- ამაზე პრობლემა არ ქონდა წინა ხელისუფლებას, მაგრამ დარწმუნებული ვარ, თქვენ მაშინ ამას აპროტესტებდით...
- ამაში ცუდს ვერაფერს ვხედავ. წლოვანებას მაინცდამაინც დიდი მნიშვნელობა არ აქვს, მთავარია, პროფესიონალი არის თუ არა ადამიანი. ახალგაზრდების დანიშვნა
- ანუ მდივანია?
- შეიძლება ასეც ითქვას.
